news archive

असारभित्रै सञ्चालनमा आउँदै निम्बसको इमल्सन प्लान्ट

Spread the love

८० प्रतिशत काम सकियो, ५० करोड रुपैयाँ लगानी

युवराज बस्नेत

असारभित्रै सञ्चालनमा आउँदै निम्बसको इमल्सन प्लान्ट

नेपालमा इमल्सनको ठूलो माग रहेको र त्यसलाई पूर्ति गर्न कम्पनीले नयाँ प्लान्ट सञ्चालनमा ल्याउन लागेको जानकारी दिए । कम्पनीले इमल्सन प्लान्टका लागि ५० करोड रुपैयाँ लगानी गर्ने भएको छ ।  कम्पनीले बहुराष्ट्रिय पेन्टस् कम्पनीलाई लक्षित गरेर उत्पादन बजारमा ल्याउन लागेको हो । इमल्सन भनेको पेन्टस् बनाउन आवश्यक पर्ने एक प्रकारको कच्चा पदार्थ हो । यो कच्चा पदार्थ हालसम्म विदेशबाट मात्रै आयात हुँदै आएको छ । असारदेखि कम्पनीले नेपालमै उत्पादन गर्न लागेको हो ।

निम्बस समूहले आगमी चार महिनाभित्र इमल्सन प्लान्ट सञ्चालनमा ल्याउने भएको छ । कम्पनीले पेन्टस् बनाउन चाहिने महत्वपूर्ण कच्चा पदार्थ नेपालमा पहिलो पटक उत्पादन गर्न लागेको हो । हाल कम्पनीको ८० प्रतिशत काम सकिएको फ्याक्ट्री म्यानेजर शैलेश लामिछानेले बताए ।

नेपालमा इमल्सनको ठूलो माग रहेको र त्यसलाई पूर्ति गर्न कम्पनीले नयाँ प्लान्ट सञ्चालनमा ल्याउन लागेको जानकारी दिए । कम्पनीले इमल्सन प्लान्टका लागि ५० करोड रुपैयाँ लगानी गर्ने भएको छ ।  कम्पनीले बहुराष्ट्रिय पेन्टस् कम्पनीलाई लक्षित गरेर उत्पादन बजारमा ल्याउन लागेको हो । इमल्सन भनेको पेन्टस् बनाउन आवश्यक पर्ने एक प्रकारको कच्चा पदार्थ हो । यो कच्चा पदार्थ हालसम्म विदेशबाट मात्रै आयात हुँदै आएको छ । असारदेखि कम्पनीले नेपालमै उत्पादन गर्न लागेको हो ।

त्यसैगरी, कम्पनीले सोही समयमा बाल्टीको उत्पादन पनि बजारमा ल्याउने तयारी थालेको छ । त्यसका लागि कम्पनीले ३० करोड रुपैयाँ लगानी गरेको छ ।  कम्पनीले दैनिक रुपमा ५ सय टन इमल्सन उत्पादन गने लक्ष्य लिएको छ । हाल बजारमा मासिक एक हजार २ सय टन रहेको छ । अहिले शतप्रशित आयात हुँदै आएको छ । कम्पनीको उत्पादन बजारमा आएपछि मागको ९० प्रतिशत निम्बसको उत्पादनले पूरा गर्ने लामिछानेले जानकारी दिए ।

कम्पनीले हेटौंडा औद्योगिक क्षेत्रमा खोलिएको उद्योगले विशेषगरी एसियन पेन्टस्, नेरोल्याकलगायतका कम्पनीलाई बेच्ने योजना बनाएको छ । पेन्टस्लाई आवश्यक पर्ने कच्चा पदार्थमा आत्मनिर्भर बनाउने उद्देश्यले यो उद्योग खोल्न लागेको कम्पनीले जनाएको छ । हालसम्म यसका कच्चा पदार्थ भारत तथा स्रोत मुलुकबाट आयात हुँदै आइरहेको छ ।